klevoz.ru страница 1
скачать файл
З В И Т

О РОБОТИ ЧАСОПИСА ЗА ДЗЕЦИ «ЗАГРАДКА»

ОД 1. ЯНУАРА ПО 31. ДЕЦЕМБЕР 2011. РОКУ
Часопис за дзеци «Заградка» 2011. року виходзел поряднє, раз мешачно под час школского рока. Видруковани 10 числа: од януара по юний (друге полроче школского 2010/2011.) 6 числа, и од септембра по децембер (перше полроче школского 2011/2012.) 4 числа. Цала «Заградка» – 24 боки, виходзи у фарбох.

У литературней часци зоз своїма творами представени насампредз руски писателє: Михайло Ковач, Яким Олеяр, Микола Скубан, Мелания Павлович, Василь Мудри, Штефан Гудак, Ирина Гарди Ковачевич, Серафина Макаї, а у рубрики «З нових рукописох» найновши приповедки Янка Раца, Владу Костелника, Силвестера Макая, Агнети Бучко Папгаргаї, Меланиї Римар, як и стихи младих творительох: Ани Тамаш, Тамари Хрин, Ксениї Макаї Орос и Сашу Палєнкаша. Госци–писателє зоз других язичних подручох у тим периодзе були: Андрей Живор, Ґрадимир Стойкович, Русомир Д. Арсич, Веселин Миличевич, Весна Алексич, Драґан Лакичевич, Оливера Шиячки, Деян Тадич, Ґордана Тимотиєвич, Ґордана Малетич, Деян Алексич...

У рубрики «Читанє за шицки часи» преложени народни сказки: словацка, славянска, виєтнамска, бунєвацка, норвежска, сказка Инкох, потим сказка Шарл Пероа и Ґроздани Олуїч, як и сказка нашого писателя Мирона Будинския.

Од нових кнїжкох представена збирка приповедкох Ксениї Варґовей «Облак до швета», потим кнїжка и филм Иґора Коларова «Ема и Аґи», збирка народних присловкох хтори позберал Милутин Дюричкович и два кнїжки Деяна Алексича.

Од септембра 2011. року место рубрики «Наш народни скарб» знова идзе рубрика «Мали театер», дзе пригодни кратки драмски слички и рецитали хтори ше хаснує на годзинох руского язика у школох дзе ше наш мацерински язик виучує як виборни предмет.

Додаток за наймладших «Мала заградка» окрем кратких писньочкох и приповедкох обявює и подобово роботи дзецох зоз Дзецинских заградкох у Руским Керестуре, Коцуре и Дюрдьове, дзе єст и руски оддзелєня и дзе Редакция добре сотрудзує зоз виховательками.

Школярским литературним, подобовим и новинарским роботом у часопису пошвецени аж шейсц боки и на нїх просеково, у каждим чишлє були обявени20–30 роботи. Школяре, як члени новинарских секцийох писали о означованю Националного швета Руснацох, о преслави святого Сави, святого Миколая, и Нового року, о вистави икебанох, о успихох на Смотрох рецитованя, о «Заградковим» кампу и о означованю Дзецинского тижня.

Редакция провадзела традицийну школярску програму «Пахулька» у Новим Садзе (децембер), богату програму з нагоди 14. фебруара – Дня залюбених у Руским Керестуре (фебрзар), тиж була и на програми з нагоди Святого Сави (януар), потим на першей годзини руского язика у школи у Крущичу(фебруар), на Зонскей смотри рецитаторох у Бачу (марец), на Медзиокружним и Републичним змаганю з руского язика (април и май), на Стретнуцу руских школох у Суботици (май), на Смотри кириличней писменосци у Тителу (май), на Фестивалу дзецинскей творчосци «Веселинка» у Новим Садзе и на Змайових дзецинских бавискох у Новим Садзе (юний).

На манифестациї «Костельникова єшень» (новембер) Редакция «Заградки» провадзела шицки програми у хторих участвовали дзеци (у Руским Керестуре, Коцуре и Кули), а була присутна и на литературних стретнуцох зоз школярами у Бачинцох, Бикичу и у Вербаше.

Зоз шпивацко–танєчней манифестациї дзецох «Червене пупче» отриманей у юнию, од септембра по децембер 2011. року обявена 21 фотоґрафия.

Под час лєтнього одпочивку, у авґусту 2011. року у Медзинародним кампе Червеного крижа у Бачким Моноштору «Заградка» орґанизовала кампованє за 20 школярох – своїх найвреднєйших сотруднїкох зоз Руского Керестура, Вербасу, Коцура и Дюрдьова. Зоз того лєтованя, дзе робела и литературна и новинарска роботня, маме вельо школярски приповедки и фотоґрафиї хтори обявюєме на бокох «Заградки».

На наградни конкурс за кратку приповедку, хтори Редакция розписала у фебруару, а закончени бул у априлу 2011. року сцигли 14 приповедки од седем авторох. Додзельованє наградох писательом Редакция часописа орґанизовала у Коцуре у Предшколскей установи «Герлїчка» у руским оддзелєню (септембер). Першу награду достала Оксана Мудри–Недич, другу Юлиян Пап, а трецу Серафина Макаї. Од септембра 2011. року у каждим чишлє «Малей заградки» у рубрики «Приповедки з наградного конкурса» обявюєме по єдну приповедку за наймладших, будуцих читачох.

На концу прешлого школского рока (юний 2011.) Редакция наградзела 16 найвреднєйших сотруднїкох за їх литературни и подобово роботи. Награди достали дзеци зоз Руского Керестура, Коцура, Дюрдьова, Вербасу, Кули, Нового Саду и Бикич Долу.

У септембру розписани Вельки наградни конкурс «Заградка» 2011/2012, а отворени є по 10. май 2012. року кед ше зоз шицких обявених школярских роботох вибере и наградзи найлєпши.



Звит о роботи Редакциї у прешлим (2011.) року шведочи о барз числених активносцох школярох у наших местох и о їх успихох, та нас обовязує и надалєй буц там дзе ше презентує резултати дзецинскей творчосци.
Мелания Римар

Одвичательна редакторка «Заградки»
скачать файл



Смотрите также:
Од януара по 31. Децембер 2011. Року часопис за дзеци «Заградка» 2011. року виходзел поряднє, раз мешачно под час школского рока. Видруковани 10 числа: од януара по юний друге полроче школского 2010/2011
31.39kb.
Рішення від 26. 05. 2011 №1209 Про встановлення тарифів на медичне обслуговування за договорами із суб’єктами господарювання, страховими організаціями
16.35kb.
Рішення позачергової сесії селищної ради VІ скликання від 08 грудня 2011 року №5 смт. Нова Ушиця
291.67kb.
Рішення від " 01 " квітня 2011 року №14 місто Прилуки Про виконання доручень виборців, зауважень та пропозицій, висловлених депутатами Прилуцької міської ради на 5 сесії міської ради 6 скликання від 27 січня 2011 року
155.6kb.
Рішення " 18" грудня 2012 року №1962 Про хід виконання рішення міської ради від 25 березня 2011 року №312 "
76.53kb.
Наказ №207/од про організацію проведення інтелектуальних змагань з базових дисциплін серед учнів сільських шкіл області у 2013 році
89.67kb.
Вступ (мета здійснення аналізу причин застосування найманими працівниками страйків та акцій соціального протесту (далі асп) упродовж 2010-2011 років та 8 місяців 2012 року
214.38kb.
П/п Число, місяць, час проведення заходу
115.01kb.
Організація і проведення атестації педагогічних працівників у 2011-2012 навчальному році Методичні рекомендації
212.05kb.
Юрий Ломатов
225.83kb.
Згідно з листом Міністерства освіти і науки, молоді та спорту України від 21. 07. 2011 №1/9-556 визначено структуру 2011/2012 навчального року. Відповідно до ст
9.13kb.
Календар бухгалтера на серпень 2011 року
146.16kb.